LDK vazhdon të përkrah braktisjen e seancës së fundit

Gjilan – Kryesia e LDK-së – Dega në Gjilan, përkrahë në mënyrë unanime veprimin e këshilltarëve komunal të LDK-së, për daljen nga seanca e fundit e Kuvendit Komunal të Gjilanit.

Kryesia e LDK-së – dega në Gjilan, në takimin e mbajtur këtë të premte ka diskutuar mbi raportet e komisioneve të Degës së LDK-së, në Gjilan, duke filluar nga komisioni për Pronë dhe Planifikim, Komisioni për Mbrojtje dhe Shpëtim, Komisioni për Kulturë, Rini dhe Sport, Komisioni për Shërbime Publike dhe Komisioni për Zhvillim Ekonomik dhe Agrokulturë.

Sarandë Bllaca zëdhënëse LDK-së tha e kryesia e LDK-së, në mënyrë unanime votoi raportet e këtyre komisioneve.

Gjithashtu, Kryesia e LDK-së – Dega në Gjilan, përkrahë në mënyrë unanime veprimin e këshilltarëve komunal të LDK-së, për daljen nga seanca e fundit e Kuvendit Komunal të Gjilanit.

Në fund, Kryesia e LDK-së – Dega në Gjilan, kërkon edhe njëherë nga zyrtarët komunal që Grupi i Këshilltarëve Komunal nga radhët e LDK-së, të respektohet, sepse edhe nga numri i ulëseve ne Kuvend jemi te barabartë tha Bllaca./rajonipress/