LDK-së i duhet një kryetar i ri

Nga Avdyl Jerliu – LDK-ja ka hyrë në ditët e fundit të zgjedhjeve të brendshme dhe së shpejti do të mbajë Kuvendin në nivel qendror ku do të zgjedhë Kryetarin e saj. LDK-ja pas humbjes së njëpasnjëshme të zgjedhjeve në nivel qendror ka ardhur koha që në krye të LDK-së të vije një Kryetar i cili është i suksesshëm në politikë dhe që këtë e ka dëshmuar në të kaluarën e tij politike.

Duke marrë parasysh se të gjitha partitë parlamentare në Republikën e Kosovës kanë kryetarët e tyre të rinjë në moshë edhe atë nën moshën 50 vjeçare , kjo i duhet edhe LDK-së. Kësaj here LDK-ja duhet ta zgjedhë një Kryetar të ri në moshë por me përvojë të dëshmuar politike.

Besoj se edhe kreu aktual i LDK-së duhet të jetë i hapur dhe jo egoist dhe të deklarohet hapur se tërhiqem nga gara dhe u jap hapësirë gjeneratave të reja dhe me plot energji.

Nëse Kryetari i tanishëm ja donë të mirën LDK-së , vetes së tij, popullit të Kosovës dhe në veçanti votuesit të LDK-së duhet të largohet nga gara për të mbetur në histori të partisë si Kryetari i parë që ka hapur rrugë për ta udhëhequr LDK-në gjenerata e re.

Besoj se këtë rrugë duhet ta ndjek edhe ai plakushi tjetër z. Sejdiu të tërhiqet nga gara dhe të u jap mundësi gjeneratës së re.

Kryetari në detyrë i LDK-së dhe njëherit Kryeministri i Republikës së Kosovës z. Mustafa ka mjaft punë dhe angazhime në tre vitet e ardhshme në qeveri , pozita e Kryetarit të LDK-së vetëm se i merr energji të cilën mundet ta jap në qeverisje për të mirën e Kosovës. Besoj se duhet të largohet logjika pasi të jesh Kryeministër, patjetër duhet të jesh edhe Kryetar partie.

Dihet se kryetari aktual vitin e ardhshëm e arrin moshën e pensionimit por dihet se pozitat politike nuk lidhen me moshën por lidhen me energjinë që e ka një 65 vjeçar . LDK-ja derisa në krye të saj ka një njeri me moshë i pensionuar kurrën e kurrës nuk do të dalë e para në zgjedhjet e ardhshme. Pikërisht pas vdekjes së Presidentit historik Dr. Ibrahim Rugova, LDK-së i ka munguar kjo energji.

Kur përmendet Presidenti Rugova dihet se edhe ai nuk ishte shumë i ri në moshë por kishte besim dhe simpati të madhe nga populli i Kosovës. Këtë besim dhe simpati që e pati Presidenti Rugova rrallë se mundet ta fitoj dikush në Kosovë por edhe në rajon, kështu që mosha e Presidentit Rugova bënë përjashtim.

Uroj që ky mesazh të lexohet nga e gjithë anëtarësia e LDK-së dhe nga Kryeministri z. Mustafa./rajonipress/