LDK përkrahë protestat e banorëve të lagjes “Halim Orana”

Gjilan – Lidhja Demokratike e Kosovës dega në Gjilan, përkrahë pa rezerva protestat e banorëve të lagjes “Halim Orana”.

Kryesia e LDK-së kërkon urgjentisht nga organet kompetente që sa më shpejt të intervenojnë në sanimin e kësaj rruge që nuk është e gjatë më shumë se 420 m.

Ne si parti kemi konstatuar shumë herë që ky pushtet nuk është i aftë të qeverisë me qytetin e Gjilanit thuhet në reagimin e LDK-së, duke i dhënë mbështetje kështu protestuesve.

Inatet personale të udhëheqësit e komunës dhe qeverisë duhet të tejkalohen që qytetarët ta gëzojnë rrugën e re sepse në fund të fundit të gjithë janë taksapagues të këtij qyteti, dhe meritojnë një tretman më të mirë nga ky pushtet i kapur pas panikut të humbjes.

Të shpenzohen mjete të majme për dreka dhe darka zyrtare dhe të mos kujtosh baltën që këta banorë përballen dita ditës për ne si LDK është fyerje për qytetarët e lagjes Halim Orana dhe gjithë qytetin e Gjilanit thuhet në reagimin e LDK-së./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).