LDK përfshihet edhe në aksione humanitare, ndan 580 euro për Rinit Shabanin

Gjilan – Valentina Bunjaku Rexhepi ka thënë se do të kërkojnë nga Kuvendi Komunal të mbajë një seancë të jashtëzakonshme për të marrë vendim që të ndahen mjete për nevojat e shërimit të Rinit Shabanit.

Valentina Bunjaku synimin dhe aksionin e LDK-së e ka bërë publik në një takim me mediet. Ajo tha se Rinit Shabani një djalë nga Përlepnica ka nevojë për mjete urgjente derisa shërimi i tij është shumë i shtrenjtë.

Bunjaku ka kërkuar nga të gjitha strukturat e LDK-së por edhe nga qytetarët që ta ndihmojnë aksionin në mënyrë që intervenimi dhe shërimi i Rinit Shabanit të ketë sukses.

Rexhepi tha sedo të kërkojë nga Kuvendi Komunal që të mbajë një seancë të jashtëzakonshme për ta ndihmuar Rinit Shabanin derisa tha se vetëm nga kryesia e LDK-së janë tubuar 580 €.

Ajo tha se LDK do të organizojë një mbrëmje humanitare pikërisht për të ndihmuar Rinit Shabanin.

Sipas Rexhepit LDK-ja në të ardhmen do të ndihmojë edhe në ndërtimin e dy shtëpive për nevojat e familjeve pa strehë./rajonipress/