LDK nuk i bashkohet Thaçit
Kreu i Prishtinës dhe i Lidhjes Demokratike të Kosovës, Isa Mustafa, ka bërë të ditur edhe një herë se partia që e udhëheq ai, nuk do t’i bashkohet kryeministrit Thaçi, në dialogun me Serbinë.
“E mbështesim dialogun me Beogradin, por nuk do të jemi pjesë e këtij dialogu” ka thënë kreu i opozitës, Isa Mustafa.
Ndërkaq, duke folur për autostradën që lidh Kosovën me Serbinë, Mustafa ka thënë se LDK e mirëpret këtë autostradë.
Mustafa ka thënë se Kosova fiton nga lidhja e autostradës me Serbinë dhe se kjo rrugë sipas tij, mund të ketë vlerë të madhe./Indeksonline/