LDK në Viti reagon ndaj shantazhimeve të drejtorit të arsimit

Viti – Shtabi zgjedhor i degës së LDK-së në Viti reagon ashpër ndaj Drejtorit Komunal të Arsimit në Viti.

Duke u bazuar në informacionet e vëzhguesve në terren nga burime të sigurta reagojmë ashpër se drejtori i DKA-së në Viti, Feri Qerimi po shantazhon, duke bere presion përmes drejtorëve të shkollave dhe vet personalisht që të dalin në tubimin parazgjedhor të PDK-së për të pritur kryetarin e PDK-së dhe kryeministrin Hashim Thaçi.

Nëse nuk dalin do të pasojnë dënime të rënda, deri në largim nga shkolla. Posedojmë argumente të shumta sidomos në shkollat në Pozheran.

Vlen të theksohet se ky drejtor fantom vazhdimisht gjatë mandatit sa është në pushtet së bashku me Nexhmedin Arifin kanë vazhduar avazin e njëjtë.

Një qeshtje tjetër më skandaloze është se dje më 21.10.2013 në ora 14.00, i vjen një shkresë zyrtare e nënshkruar po nga ky drejtor, nga DKA ku sillet një vendim absurd aq më shumë edhe qesharak, ku profesorit të Edukatës Fizike Fadil Ramiqi i ndalohet hyrja në shkollë. Kjo bëhet edhe më skandaloze kur i ndalohet edhe hyrja në oborr të shkollës.

Për këtë shtabi zgjedhor posedon shkresën në fjalë si argument. Gjatë muajit shtator, për shkak të mosmarrëveshjeve në mes të këtij drejtori dhe atij të shkollës së mesme profesionale janë humbur plot 400 orë mësim thuhet në reagimin e degës së LDK-së në Viti./rajonipress/