LDK në Kamenicë e shqetësuar me provokimet e xhandarmërisë

Gjilan – Jeton Biqkaj shef i grupit të LDK-së në Kamenicë thotë për rajonipress se duhet të bëhet një presion i madh te ekipi negociator që po negocion në Bruksel që kjo çështje të mos ndodh sepse edhe këta qytetar kanë të drejtë të jetojnë të lirë dhe pa frikë.

Provokimet e xhandarmërisë serbe në Karaqevë të Epërme e kanë shqetësuar taborin opozitar LDK, në Kamenicë.

Jeton Biqkaj shef i grupit të LDK-së thotë për rajonipress se ne si grup parlamentar i LDK- së jemi të shqetësuar me ndërhyrjet e vazhdueshme të xhandarmerisë serbe në territorin e Republikës së Kosovës, pikërisht në Karaqeve, që nuk është hera e parë, dhe kjo tash së fundi ndodhi në prag të përvjetorit të pavarësisë.

Biqkaj tha se edhe institucionet Komunale e sidomos Kuvendi duhet ta ngrisin zërin sepse për banorët e Karaqeves është i zbehtë gëzimi për këtë përvjetor të Pavarësisë, pasi që ata ballafaqohen me prezencën e xhandarmerisë në territorin e Kosovës.

“Duhet të bëhet një presion i madh te ekipi negociator që po negocion në Bruksel që kjo çështje të mos ndodh sepse edhe këta qytetar kanë të drejtë të jetojnë të lirë dhe pa frikë” tha Biqkaj./rajonipress/