LDK me konventë akademike për qeverisjen katër vjeçare

Gjilan – Konventa e madhe e punës do të ketë karakter akademik, e cila do të zgjatë dy ditë radhazi, ku pjesa e dytë e kësaj Konvente do të jetë konkurrencë e ideve të ndryshme që do të shpalosen nga Komisionet Profesionale ka thënë Saranda Bllaca zëdhënëse e degës së LDK-së në Gjilan.

Në fund të muajit qershor dega e LDK-së në Gjilan pritet të mbajë një Konventë Akademike ku pritet të hartohet programi dhe strategjia e qeverisjes katër vjeçare. Kështu tha Saranda Bllaca zëdhënëse e LDK-së në një takim me gazetarët.

Bllaca tha se LDK-ja dega në Gjilan, ka filluar tubimet e mëdha në qytet dhe në fshatrat për rreth.”Qëllimi kryesor i këtyre tubimeve është bashkëbisedimi ynë me njerëzit për t’i parë dhe për t’i prekur nga afër hallet dhe dertet e tyre. Tubimet tona të mbajtura deri më tani konfirmojnë fuqinë politike që njerëzit besojnë në vizionin Rugovian” tha ajo.

Sipas Bllacës Konventa e madhe e punës do të ketë karakter akademik, e cila do të zgjatë dy ditë radhazi, ku pjesa e dytë e kësaj Konvente do të jetë konkurrencë e ideve të ndryshme që do të shpalosen nga Komisionet Profesionale.

Bllaca u ka bërë thirrje të gjithë njerëzve profesionist të sferave të ndryshme, si: arsimit, shëndetësisë, shërbimeve Publike, zhvillimit Ekonomik, Kulturës, Rinisë e Sportit, që të bashkëngjiten në Konventë për pasurimin e programit tonë politik.

Bllaca tha se aleanca jonë politike është aleance me qytetarin gjilanas.”Ne garantojmë që të gjitha sugjerimet dhe idetë e njerëzve profesional që do të jenë pjesë e Konventës tonë politike, do të përfshihen në programin tonë politik, i cili synon të marrë pushtetin dhe të qeverisë në mandatin e ardhshëm 4 vjeçar”mendon Bllaca.

Ajo tha se qytetari gjilanas nuk meriton këtë qeverisje që po bëhet sot, andaj ndryshimi po vije.

Bllaca ka thënë se tani pritet ardhja e mërgimtarëve tanë, të cilët janë shtylla kryesore e familjeve tona “Kërkojmë nga pushteti aktual, komunal, që të lehtësoj të gjitha shërbimet komunale që mërgimtarët tanë të mos presin gjatë në sportelet e komunës për një dokument çfarëdo qoftë” ka thënë Bllaca./rajonipress/