LDK: Malishevasit kërkojnë të ndëshkohet keq pushteti

Gjilan – Këtë pushtet të keq kemi me çu n’shpi. Nuk i ka kry punët që ka pasë me i kry. Ne kemi mbetur në vitin 2007 sa u përket investimeve. Në kohën e LDK-së janë investu në Malishevë 400 mijë euro, është ndërtuar rruga, kanalizimi, ujësjellësi. Qemajli, që na e kemi kusheri, i ka pru nja 20 drita dhe një trafo. Sen tjetër s’ka ba. Malishevasit ju garantojnë zotëri kryetar se do t’ju votojnë maksimalisht sepse e dinë që ju jeni shembull qysh qeveriset, ka thënë kryetari i Nëndegës së LDK-së në Malishevë, Adem Rashiti.

Përkrahje të madhe i kanë dhënë sot qytetarët e Malishevës kandidatit të Lidhjes Demokratike të Kosovës për kryetar të Gjilanit, Lutfi Haziri, gjatë vizitës së sotme në këtë fshat.

Sipas tyre, partia në pushtet nuk i ka kryer asnjë nga detyrat që ka premtuar, dhe për këtë do ta çojnë n’shpi.

“Këtë pushtet të keq kemi me çu n’shpi. Nuk i ka kry punët që ka pasë me i kry. Ne kemi mbetur në vitin 2007 sa u përket investimeve. Në kohën e LDK-së janë investu në Malishevë 400 mijë euro, është ndërtuar rruga, kanalizimi, ujësjellësi. Qemajli, që na e kemi kusheri, i ka pru nja 20 drita dhe një trafo. Sen tjetër s’ka ba. Malishevasit ju garantojnë zotëri kryetar se do t’ju votojnë maksimalisht sepse e dinë që ju jeni shembull qysh qeveriset”, ka thënë kryetari i Nëndegës së LDK-së në Malishevë, Adem Rashiti.

Nga ana tjetër, kandidati i LDK-së i ka falënderuar banorët e Malishevës për këtë përkrahje, duke iu premtuar se me konfirmimin e tij si kryetar, ky fshat do të lulëzojë.

“Këtu janë ba do drita. Asgjë tjetër. Ata pretendojnë se kanë bërë shumë, por ju e dini që këtu s’është punuar asgjë që nga vitit 2007, ku e kemi lënë ne. Vërtet ka ardh koha që ata njerëz të ndëshkohen keq dhe unë e di që do t’i ndëshkoni”, ka thënë Haziri para të pranishmëve që nuk i zinte salla.

“Ne jemi më të varfër se në vitin 2007. Numri i familjeve me asistencë sociale është më i madh, bujqësia është më keq, gjithçka është stërkeq. Në mandatin tonë ky vend do të lulëzojë. Ju lus me dalë të gjithë më 3 nëntor, edhe të rinjtë edhe të pakënaqurit, të gjithë”, ka deklaruar kryetari i ardhshëm i Gjilanit.

Duke folur për programin e LDK-së për bujqësinë, zoti Haziri theksoi se qytetarët që dëshirojnë të mbjellin tokën, vetëm punën do ta bëjnë, ndërsa farën, plehun, naftën dhe korrjen do t’ua sigurojë Komuna thuhet në njoftimin e degës së LDK-së.