Lidhja Demokratike e Kosovës vazhdon të mbrojë parimet e marrëveshjes për koalicion, me gjithë deklaratat e zyrtarëve të PDK-së se lideri i kësaj partie, Hashim Thaçi, dëshiron të zgjidhet përmes votës popullore, e jo në Kuvend.
Dy figurat kryesore të PDK-së, Hashim Thaçi e Kadri Veseli, kanë thënë se favorizojnë zgjedhjen e presidentit me votë të drejtpërdrejtë.
Por, në LDK vazhdojnë të besojnë në marrëveshjen e firmosur nëntorin e vitit të kaluar, sipas së cilës Hashim Thaçi do të zgjidhet president me votat e deputetëve.
“Gjithë ajo çfarë mund t’u them është se ne kemi një marrëveshje bashkëqeverisëse me PDK-në dhe ne i respektojmë marrëveshjet”, ka thënë anëtari i LDK-së, Bajram Gecaj, njëherësh zëvendësministër i Pushtetit Lokal.
http://koha.net/?id=27&l=58175
