LDK-ja dhe LV-ja gabuan rëndë që lëshuan seancën për tribunalin

Nënkryetari i Aleancës për Ardhmërinë e Kosovës (AAK), Muharrem Nitaj, ka deklaruar se Lidhja Demokratike e Kosovës (LDK) dhe Lëvizja Vetëvendosje gabuan rëndë që lëshuan seancën në të cilën po diskutohej për themelimin e tribunalit ndërkombëtar për krimet serbe në Kosovë.

Në këtë intervistë dhënë për gazetën “Epoka e re”, ai ka treguar se këto dy subjekte opozitare me këtë veprim kanë dërguar mesazhin e keq se Kuvendi nuk është unik as për krimet serbe në Kosovë.

Sipas deputetit të AAK-së, përtej çdo motivi nisma e Kuvendit për të krijuar një mekanizëm që kërkon drejtësi për krimet e kryera në Kosovë është legale dhe legjitime.

“Sa i përket kundërshtimit të LDK-së dhe LV-së, për mua braktisja e seancës prej tyre ka qenë gabim i rëndë i tyre. Unë do ta kuptoja braktisjen e të gjitha seancave, por jo edhe të seancës ku flitet për krijimin e një mekanizmi që kërkon drejtësi për krimet e kryera në Kosovë”, ka thënë Nitaj.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).