LDK e Gjilanit i jep mbështetje kryesisë qendrore për formimin e institucioneve të Kosovës

Gjilan – Lidhja Demokratike e Kosovës, Dega në Gjilan, nën udhëheqjen e kryetarit Lutfi Haziri, sot ka mbajtur takimin e rregullt me strukturat e saj. Takimi është vazhdimësi ne dialogun e brendshëm në LDK për formimin e institucioneve së Kosovës, ku edhe njëherë i është dhënë mbështetje kryesisë së LDK-së dhe kryetarit të saj, në vazhdimin e angazhimeve politike për ndërtimin e institucioneve qendrore.

Poashtu, strukturat e LDK-së janë njoftuar sot nga drejtori i Bujqësisë, Ramiz Ramadani, për punën dhe projektet e mëdha qe po realizohen në këtë sektor shumë të rëndësishëm të shtetit, sikurse edhe nga Fejzulla Berisha për punën e mirë që po bëhet në sektorin e shëndetësisë primare.

Strukturat e LDK-së në Gjilan i kanë rikonfirmuar mbështetjen e fuqishme kryetarit Lutfi Haziri për punën e madhe që po e bënë për të përmirësuar cilësinë e jetës së qytetarëve të Gjilanit, sikurse edhe drejtorëve komunal për angazhimin e tyre maksimal në të mirë të qytetarëve të Gjilanit./rajonipress/