LDK e Gjilanit apelon qytetarët që dalin në votime edhe për këtë kohë sa ka mbetur

Gjilan – Lidhja Demokratike e Kosovës në Gjilan njofton opinionin se deri në këtë moment, procesi zgjedhor është duke shkuar në mënyrën më të mirë, në përputhje të plotë me ligjet në fuqi.

“Procesi zgjedhor është duke u zhvilluar plotësisht në mënyrë të rregullt. Deri tani, nuk ka pasur asnjë vërejtje që do ta dëmtonte procesin. Institucionet e shtetit janë duke funksionuar në mënyrën më të mirë sa i përket mbrojtjes së votës dhe me këtë rast i falënderoj shumë. Në këtë moment, vërehet një dalje masive e qytetarëve, prandaj unë apeloj që të vazhdojnë edhe për gjysmë ore sa ka mbetur ta kryejnë obligimin qytetar për të ardhmen e Kosovës”, ka thënë Arben Mehmeti, kryetar i Shtabit të Degës.

Mehmeti ka informuar se deri në ora 18:00, vullnetin e tyre në kutitë e votimit e kanë shprehur rreth 40 për qind e qytetarëve./rajonipress/