LDK çel dyert për koalicion me PDK’në

Nënkryetari i LDK’së Haki Rugova nuk e përjashton mundësinë për koalicion me Partinë Demokratike të Kosovës. “Nuk jemi të mbyllur për asnjë lloj bisede, me askënd” ka thënë ai.

Lidhja Demokratike e Kosovës po jep sinjale se mund të hyjë në koalicion me Partinë Demokratike të Kosovës. Kështu ka deklaruar Nënkryetari i LDK’së Haki Rugova në një prononcim për Politiko.net.

“Nuk jemi të mbyllur për asnjë lloj bisede, me askënd. Do ta shohim se çfarë do veprojmë më tutje”, ka deklaruar ai.

Nënkryetari i LDK’së, thotë se vendimi për hapat e ardhshëm të kësaj partie do të merret nesër, në takimin e Këshillit të Përgjithshëm.

“Ne kemi dalë sot me një prononcim, pas takimit të Kryesisë. Më vonë, e kemi një takim edhe me Kryetarët e Degëve, ndërsa nesër e kemi Këshillin e Përgjithshëm të LDK’së, ku do të dalim me qëndrim më të qartë se çka më tutje”.