Lazio i ofron 8 milionë euro për Muriqin, e do edhe Napoli

Vedat Muriqi është bërë objektiv i klubeve të mëdha dhe të njohura evropiane. Sulmuesin kosovar e duan edhe dy ekipet italiane, Napoli dhe Lazio. Kjo e fundit i ofron 8 milionë euro për prizrenasin.

Paraqitjet mbresëlënëse me Fenerbahçen dhe me Përfaqësuesen e Kosovës kanë bërë që Vedat Muriqi të bëhet objektiv i klubeve të mëdha dhe të njohura evropiane, shkruan Gazeta Express.

Javë më parë mediat angleze raportonin se interesim për sulmuesin kosovar kanë shfaqur ekipet angleze, Manchester United dhe Tottenham dhe ky i fundit e ka vëzhguar disa herë në stadium.

Ndërkaq, së fundmi mediat italiane shkruajnë se futbollistit prizrenas ia kanë vënë syrin edhe dy klubet italiane, Napoli dhe Lazio.

Sipas tyre, “Biancocelesti” i kanë bërë gati 8 milionë euro për ta transferuar gjigantin e sulmit.

Muriqi kishte shkëlqyer sezonin e kaluar tek Rizespori, ndërsa po vazhdon me formë të mirë edhe këtë edicion.

Ai i ka shënuar 7 gola në fanellën e Fenerbahçes dhe tre gola për Kosovën, në shtator kundër Republikës Çeke e Anglisë dhe në tetor ndaj Malit të Zi, derisa për shkak të lëndimit mungoi në dy sfidat e nëntorit, ndaj çekëve dhe anglezëve. /Gazeta Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).