Lavdërohet Florent Hadergjonaj

Futbollisti kosovar, Florent Hadergjonaj çdo herë e më shumë po bëhet më i përfolur në Zvicër. Forma e tij e mirë po lavdërohet shumë derisa ai edhe në ndeshjen e fundit që Young Boys-i e fitoi ndaj Lugano-s pati paraqitje shumë të mirë.

Ylli kosovar i Përfaqësueses U-21 të Zvicrës, ka qenë titullar pothuaj në të gjitha ndeshjet e Young Boys-it. Skuadra nga kryeqyteti zviceran ka shënuar fitore me rezultat të jashtëzakonshëm 7:0 ndaj Lugano-s, duke bërë një hap të madh për pozitën e dytë që i siguron pjesëmarrjen në kualifikimet e Ligës ë Kampionëve.

Florenti ka qenë pjesëmarrës në tre gola në këtë ndeshje duke nisur aksionet nga këmbët e tij në golin e parë të ndeshjes dhe në të tretin.

Ndërkohë në golin e pestë Hadergjonaj ka qenë asistues direkt për Guillerme Horaun.

(Kosova Sot)