Latifi i LDK-së kërkon dorëheqjen e drejtoreshës së arsimit
Gjilan – Kjo që po ndodh me maturantët e komunës tonë duket pak e çuditshme..! Fillimisht ekskursioni u anulua nga kryetari i komunës pastaj në këtë krizë ekonomike t`i kërkohet një maturanti një shumë aq e madhe e të hollave, kjo të jep me kuptu që këtë drejtoresha e ka bërë sa për sy e faqe dhe as që u murr parasysh vendimi komunal për ndihmë të çdo familje, që ka maturant, andaj unë si këshilltar komunal kërkoj dorëheqjen e kësaj drejtoreshe apo shkarkimin e saj, por para kësaj dua ta arsyetoj kërkesën time ka shkruar Latif Maliqi.
Reagimi i plotë:
- Për angazhimin e saj në anulimin e rekuizonit;
- Manipulimi me këshillin e prindërve për marrjen e vendimit për anulimin e ekskursionit
- Mos organizimin dhe mos menaxhimin e mirë te procesit pas vendosjes për shkuarje në ekskursion
- Ndërhyrja në përcaktimin e lokacionit, për mos dërgimin e maturantëve ne Durrës dhe përcaktimin e lokacionit për Vlorë e vende tjera ne çmime më të shtrenjta
- Mos zbatimin e udhëzimit administrativ 2/2016 për realizimin e ekskursioneve
- Anulimin e tenderit për ekskursionin
- Si dhe dështimin me qëllim të ekskursionit për ta realizuar idenë e saj të fillimit për anulimin e ekskursionit.
- Diskriminimin e maturantëve të Gjilanit në raport me komunat tjera të Kosovës. Të tjerët ishin në ekskursione, përveç 1302 maturantët e Gjilanit jo. Kësaj punë po i vjen era keqpërdorim.