Latifi edhe zyrtarisht drejtor i spitalit të Gjilanit

Gjilan – Janë zgjedhur drejtorët e Spitaleve të Përgjithshme, Qendrave të Shëndetit Mendor, Institutit të Mjekësisë së Punës në Gjakovë, Qendrës së Telemjekësisë e Kosovës dhe Mjekësisë Sportive. Abdylatif Latifi tha për rajonipress se realisht është pritur ky vendim sepse nuk ka pasur asnjë shkelje gjatë procesit të intervistimit.”Ne tani do i rrekemi punës sepse kemi shumë projekte që duhet t`i qojmë përpara dhe të punojmë për shërbime sa më cilësore dhe më të avancuara tha Latifi.

Drejtori i Përgjithshëm i Shërbimit Spitalor Klinik Universitar të Kosovës, ka zbatuar vendimin e Inspektorati të Punës, në kuadër të Ministrisë së Punës dhe Mirëqenies Sociale, i cili ka rekomanduar nënshkrimin e kontratave për drejtorë të institucioneve dytësore dhe tretësore që janë nën menaxhim të Shërbimit Spitalor Klinik Universitar të Kosovës.

Rezultatet e konkursit për drejtorë të këtyre institucioneve , ishin shpallur në muajin tetor, por pas ankesave që kishin arritur nga disa kandidatë, lënda ishte proceduar në Inspektoratin e Punës.

Inspektorati i Punës, rekomandoi lidhjen e kontratave me drejtorët që ishin përzgjedhur nga paneli intervistues, bazuar në konkursin e shpallur publik. Drejtorët e rinj së shpejti pritet të nisin punën.

Muajin e kaluar ishte kompletuar zgjedhja e drejtorëve të klinikave, instituteve dhe shërbimeve të Qendrës Klinike Universitare të Kosovës thuhet në njoftimin e Curr Gjocajt drejtor i përgjithshëm.

Ndërkaq Abdylatif Latifi tha për rajonipress se realisht është pritur ky vendim sepse nuk ka pasur asnjë shkelje gjatë procesit të intervistimit.”Ne tani do i rrekemi punës sepse kemi shumë projekte që duhet t`i qojmë përpara dhe të punojmë për shërbime sa më cilësore dhe më të avancuara” tha Latifi.

Latifi tha se në spitalin e Gjilanit tanimë është krijuar një disiplinë institucionale dhe është krijuar një përgjegjësi e madhe ndaj punës dhe ndaj shërbimeve spitalore./rajonipress/