Latifi anulon meçin ndaj Ovince, kërkon edhe disa javë kohë

​Ilir Latifi ka njoftuar se ka anuluar meçin me Ovince Saint Preux në artet marciale të kombinuara UFC. Luftëtari i UFC, Ilir Latifi ka anuluar meçin me Ovince Saint Preux, që ishte caktuar të mbahej me 27 janar të këtij viti.

Ai ka thënë se ka nevojë edhe për disa javë dhe ka kërkuar nga Ovince që të mos kërkojë kundërshtarë tjetër.

“Më vjen shumë keq që meçi është anuluar, shumë punë e sakrificë është bërë për këtë luftë. Ovince Saint Preux më jep edhe disa javë kohë për t’u shëruar dhe ne do të ndeshemi, prandaj mos kërko luftë tjetër, do të kthehem shpejtë. Le t’iu japim këtë luftë fansave”, shkruan Latifi në Facebook. /Express/