Lamtumirë Etrit

Simone Inzaghi, trajneri i Lazios, nuk e ka ftuar fare në ekip Etrit Berishën për ndeshjen ndaj Juventusit, e cila luhet në kuadër të xhiros së dytë të Serie A.

Etrit Berisha ndodhet pranë largimit nga klubi i Lazios. Ai nuk është ftuar fare në ekip nga trajneri, Simone Inzaghi për ndeshjen ndaj Juventusit, e cila luhet sot nga ora 18:00.

Tre portierët e thirrur nga trajneri janë Federico Marchetti, Thomas Strakosha dhe Vargiç.

Vendin e Berishës duket se e ka zënë i riu Strakosha, pasi edhe në ndeshjet e kaluara gardiani i kuqezinjve nuk ka pasur rolin e titullarit në formacion.

Kështu, Berisha gjatë këtij muaji pritet të bëhet me skuadër të re. Ai ka zgjuar interesimin e disa ekipeve, në mesin e tyre është edhe Palermo.