Lama:Lugina e Preshevës duhet të kërkojë të njëjtat të drejta dhe kompetenca

Deputetja e Kuvendit të Kosovës, Alma Lama, duke komentuar zhvillimet pas marrëveshjes së arritur në mes Kosovës dhe Serbisë në Bruksel, thotë se marrëveshja ka një pikë të papranueshme që është pika 8, e cila inkuadron strukturat kriminale në Policinë e Kosovës.

Lama thotë se Serbia ka bërë shumë presion për këtë punë. “Ky është një amnistim i panevojshëm, është legjitimim i krimit që ka ndodhur prej 14 vjetësh në veri”, tha Lama për portalin PreshevaSot.

“Marrëveshja gjithashtu nuk ka ndonjë garanci për njohje nga ana e Serbisë, pasi nuk përfshin ndryshimin e Kushtetutës serbe, përkatësisht nenin, i cili thotë se Kosova është pjesë e Serbisë. Për mendimin tim, këto janë 6 pikat e famshme të Ban Ki-moon, vetëm se tani janë 15 dhe kanë ardhur në një formë tjetër”,tha Lama.

Lama thotë se Lugina e Preshevës duhet të kërkojë të njëjtat të drejta dhe kompetenca,si serbet e komunave të Veriut. Dhe se nuk mund të pranohet asimetria për çështje të njëjta.