Lajmet shqip

Parodi humoristiko – satirike nga Demir Krasniqi

Shikues të dashur,
Futni veshtë në lesh,
Se koha ka ardhur –
Po japim lajmet “FLESH “ !

Lajmet “FLESH” po i japim
Me fjalë t’ pastra shqip !
Gjellën n’ prush e kapim –
Nuk e lamë pa krip !

Ne po transmetojmë ,
Në programin “LIVE” !
Juve po iu mësojmë –
Si t’ iu qitni dhive !

Nxënësve po iu mësojmë ,
Metoda “KURI KULI” !
Deri sa n’ shtëpi të shkojmë –
Do t’ zihet pasuli !

Nxënësit do t’ i mësojmë
Me metoda “PISA” !
Festat t’i festojmë ,
Sa ma shumë me plisa !

Deputetët e vendit –
Krejt i kanë lanë mentë !
Po ikin prej Kuvendit –
Po shkojnë n’ “PARLAMENT” !

Dhe në fund me zemër ,
Në emër të Zotit –
Po japim për nesër ,
Parashikimin e motit !

Para se me fjet ,
Kem një lajm të gëzueshëm –
Nesër do të jetë ,
Moti i ndryshueshëm !

Do t’ fryjnë erëra t’ lehta ,
N’ drejtime të ndryshme –
Me fuqi të shpejta ,
Me efekte t’ frytshme !

Nesër rrini n’ shpi –
Mos prekni punë me dorë !
Diku do t’ bien shi ,
E diku do t’ bien borë !

Diku me vranësira ,
Diku mot me diell ,
Me rreze të dëlira –
Do t’ shkëlqejnë në qiell !

Temperaturat do të sillen
Deri përmbi vadë ,
Qe nga minus dy do t’ mbështillen –
Deri n’ 40 gradë !

Gjilan , më 20 . 03. 2020 .

Demir KRASNIQI

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).