Lajçi: Isa Mustafa mund ta ketë fatin e Behgjet Pacollit
Nënkryetari i AAK’së Ali Lajçi, ka deklaruar se koalicioni LDK-AAK-Nisma nuk duhet të llogarisë vetëm në votat e minoriteteve.
Ai ka thënë se për të pasur një stabilitet institucional vetëm votat e minoriteteve janë pak dhe nuk mund të japin perspektivë.
Lajçi ka thënë se për të pasur një qeverisje stabile katërvjeçare duhet të përfshihet edhe Lëvizja Vetëvendosje, shkruan Epoka e Re.
Duke folur për arritjet e bllokut opozitar, ai ka thënë se ky koalicion është vonuar.
Nënkryetari i AAK’së, i cili më herët ka qenë pjesë e LDK’së, ka thënë se po sikur ky koalicion të bëhej përpara zgjedhjeve parlamentare, Kosova nuk do të vinte në një situatë të tillë. Ndërkaq duke u deklaruar në lëndën e PDK’së dërguar Gjykatës Kushtetuese, ai ka thënë se Isa Mustafa mund ta ketë fatin e Behgjet Pacollit.