Hidromorava

Lajçaku tregon se çka përmban aneksi i propozimit evropian

/ 3 minuta lexim

Emisari i BE-së për dialogun Kosovë-Serbi, Miroslav Lajçak, ka thënë se pret që në takimin e së hënës së 27 shkurtit, kryeministri Albin Kurti dhe presidenti serb Aleksandar Vuçiq të nënshkruajnë propozimin evropian.

Në një intervistë të gjatë për “The Pavlovic Today”, Lajçaku ka folur gjerësisht për procesin e dialogut në Bruksel, ku ndër të tjera ka thënë është bërë shumë i famshëm mes shqiptarëve dhe serbëve, të cilët e njohin kur e shohin nëpër rrugët e Brukselit, por edhe të vendeve tjera nëpër botë.“Sigurisht që marr shumë reagime nga qytetarët nga Kosova dhe nga Serbia. E di sa e ndjeshme është kjo çështje. Kur eci në rrugë, dhe ka njerëz me origjinë serbe ose shqiptare, në Bruksel, por edhe në shumë vende në mbarë botën, më njohin dhe vijnë dhe thonë se sa i rëndësishëm është ky proces dhe dëshirojnë që unë të kem sukses, sepse ata e dinë se sa e rëndësishme është për ta, për vendet dhe për njerëzit. Kështu që unë jam plotësisht i vetëdijshëm për këto përgjegjësi”, tha Lajçaku, transmeton Klankosova.tv.

Gjatë kësaj interviste, Lajçaku është pyetur edhe për komentet e Zëvendës Ndihmës Sekretarit të SHBA-së Gabriel Escobar i cili zbuloi se Shtetet e Bashkuara e kanë bërë të qartë pritshmërinë e tyre që palët e përfshira të fillojnë zbatimin pa vonesë të marrëveshjes franko-gjermane, përfshirë anekset.Lajçaku u pyet se çfarë ka në anekset.“Epo, ne presim që zbatimi të fillojë menjëherë. Arsyeja pse ne e duam aneksin – ai ka të bëjë saktësisht me mënyrën se si të zbatohen të gjitha nenet e marrëveshjes.“Është e rëndësishme për të dyja palët që nëse bëjnë atë që u kërkohet të bëjnë, ata do të marrin atë që u është premtuar. Në mënyrë që të mos përfundojmë që njëra palë të marrë pjesën e saj dhe pala tjetër jo. Kjo nuk do të ishte e drejtë. Dhe kjo është ajo që përmban aneksi i zbatimit”, tha Lajçaku.

KKGJILAN

“Kjo do të thotë që ne duam të fillojmë të diskutojmë këtë aneks dhe të biem dakord për të në mënyrë ideale tashmë të hënën. Më pas, të fillojmë me zbatimin menjëherë. Momenti është tani. Ne nuk kemi asnjë synim që të lejojmë që ky proces të zvarritet. Është gjithashtu në interes të të dyja palëve, Kosovës dhe Serbisë, që marrëveshja të zbatohet plotësisht”, potencoi emisari i BE-së, Miroslav Lajçak.

Të hënën në Bruksel, Kurti dhe Vuçiqi do të kenë fillimisht takime të ndara me shefin e diplomacisë së BE-së, Josep Borrell, e më pas në agjendë është i paraparë edhe takimi i përbashkët i dy kryenegociatorëve, pas së cilit pritet të ketë edhe konferencë për media.