Lajçak priti në takim Kurtzin, thotë se biseduan edhe për Kosovën

Ndërmjetësuesi special i BE’së për dialogun Kosovë-Serbi, Miroslav Lajçak, është takuar me kancelarin austriak, Sebastian Kurtz, duke thënë se kanë biseduar për shqetësimet e vendeve të Ballkanit Perëndimor.

Një gjë të tillë e ka bërë të ditur Kurtz nëpërmjet një postimi në llogarinë e tij në ‘Twitter’, derisa ka thënë se me diplomatin austriak ka biseduar edhe për çështjen e dialogut Kosovë-Serbi, shkruan Gazeta Express.

“Kënaqësi të bisedoja me Miroslav Lajçak. Ne diskutuam për dialogun Beograd-Prishtinë, si dhe nevojën për të filluar negociatat për anëtarësimin e Maqedonisë së Veriut dhe Shqipërisë sa më shpejt që të jetë e mundur”, ka deklaruar kancelari austriak.

Tutje, ai ka thënë se ia ka konfirmuar Lajçakut mbështetjen e vendit të tij drejt përspektives evropiane për vendet e Ballkanit Perëndimor.

Lajçak pati një varg vizitash ditëve të fundit, përfshi edhe me kryeministrin e Kosovës Albin Kurti, përgjatë darkës informale të organizuar në Bruksel.

Lidhur me takimin, Lajçak tha se bisedoi me kreun e ekzekutivit për rifillimin e dialogut. /Gazeta Express/