Lajçak: Përmes dialogut të shmangen tensionet – s`duam që 31 gushti të jetë sikur 31 korriku

I dërguari special i BE-së, Miroslav Lajçak, i pyetur nga gazetarët për takimin e zhvilluar me kryeministrin Kurti, theksoi se nuk duam që një shtatori të ngjajë me një muaj më herët.

Duke iu shmangur pyetjeve të drejtpërdrejta të gazetarëve, Lajçak shtoi se “presim përkushtim nga të dy liderët për të gjetur zgjidhjen për stabilitet e siguri në rajon.

Përfaqësuesi special i BE-së për dialogun Kosovë-Serbi, Miroslav Lajçak, ka takuar kryeminsitrin e Kosovës, Albin Kurti dhe presidentin serb, Aleksandar Vuçiq në Bruksel.

Ai thënë se dëshiron që në takimin e 18 gushtit të ketë marrëveshje, por nuk e ka specifikuar se për çka.

Tutje, Lajçak theksoi se përmes dialogut dëshiron që më 1 shtator të shmanget situata e tensionuar e 31 korrikut.

“Do të kemi diskutime për marrëdhëniet e së ardhmes, si të arrihet normalizimi dhe do të diskutojmë çështjet aktuale. Ne kemi dy liderë me mandate demokratike dhe presim që ata të dedikohen në gjetjen e një zgjidhjeje që siguron se nuk do të ketë krizë”, ka deklaruar Lajçak.

Shpërndaje.
© RAJONIPRESS