Laboratori “Swiss Clinique 2”, më moderni në rajon

Gjilan – Në “Swiss Clinique 2” – Departamenti i Laboratorit diagnostikues ofrohen një spektër i plotë i shërbimeve laboratorike. Profesionalizmi i lartë, sigurimi i rezultateve të sakta dhe zbatimi i protokolleve moderne në funksionimin e laboratoreve diagnostikuese janë përgjegjësia e ekipeve tona të specializuara.

Laboratori për biokimi klinike në “Swiss Clinique” ofron spektër të gjerë të shërbimeve rutinore dhe të specializuara laboratorike për ekzaminimin e gjakut, urinës dhe lëngjeve tjera trupore.

Në këtë repart bëhen analiza: Biokimike, Hematologjike, Funksioni i tiroides, Hormonet / Fertiliteti, Markerë për procese inflamative, Faktorë të hemostazës, Tumor markerë, Testet e alergjisë, Intolerancën Ushçimore, Abuzimet me droga etj.

Laboratori për mikrobiologji dhe parazitologji-
Detyrë e laboratorit për mikrobiologji dhe parazitologji është t’i saktësojë agjentet etiologjike të cilat i shkaktojnë infeksionet. Këto mund të jenë: bakteret, viruset, kërpudhat ose parazitët.

Njohja e saktë e shkaktarit të infeksionit është e rëndësishme për diagnozën e drejtë të sëmundjes. Bakteret e izoluara pastaj ekzaminohen për ndjeshmërinë drejt paletës së gjerë të mjeteve anti mikrobe (antibiotikë), që është parakusht themelor për dhënien e terapisë adekuate për mjekimin e infeksionit.

Laboratori për mikrobiologji dhe parazitologji përveç kujdesit për shëndetin e pacientëve, drejtpërdrejt merr pjesë edhe në vëzhgimin dhe parandalimin e infeksioneve intraklinike, si dhe në parandalimin e problemit sa më aktual global të paraqitjes së rezistencës ndaj antibiotikëve./rajonipress/