Ky pushtet rrëzohet me revolucion paqësor

Politikanët aktualë mendojnë se si të vjedhin, e jo të punojnë për qytetarët.

Berisha: Vetëm qeveria e shpëtimit të kombit mund ta nxjerrë nga ky kolaps vendin

“Gjithnjë e më tepër po del në pah se gjendja do të përmbyset me revolucion, dhe jo me evolucion. Jemi tepër larg nga zgjedhjet e lira e demokratike. Vështir të besohet që edhe me ‘Vetëvendosjen’ në pushtet do të ketë zgjedhje të lira e demokratike. Ndoshta tek me pushtetin post-Vetëvendosje”, shprehet analisti Nexhmedin Spahiu

Kjo klasë politike që udhëheq me shtetin ka bërë dhe po bën shumë veprime të kundërligjshme në degradimin e shkatërrimin e plotë të shtetit të Kosovës. Këto parti politike jo vetëm që nuk kanë dhënë dhe nuk po japin ndonjë kontribut për zhvillimin e vendit dhe mirëqenien e qytetarëve, por nga babëzia e pangopësia vetëm e kanë zhvatur e plaçkitur shtetin në vazhdimësi për 15 vjet, duke varfëruar tej mase qytetarët. Politikanët i kemi milionerë, disa edhe miliarderë, të cilët janë të lidhur me mafio-oligarkët, edhe atë vetëm duke zhvatur e plaçkitur buxhetin dhe asetet e shtetit, ndërkaq populli i pashpresë shikon se si të ikë sa më larg prej Kosovës me fëmijë e çanta në krah. Në fakt, këta politikanë që janë pasuruar në kurrizin e popullit shtetin e shohin si pronë të tyre, me të cilën bëjnë çka të duan. Pa dyshim, se për t’u ndalur kjo hajni, duhet që të shkohet në zgjedhjet e përgjithshme, ku duhet pasur shumë kujdes që mos të vidhen votat./kosova sot/