Ky është mesazhi i Hashim Thaçit

Zëvendëspresidenti amerikan, Joe Biden, la mesazhe të qarta gjatë vizitës së tij në Kosovë. Një prej tyre është se vendi duhet t’u përmbahet marrëveshjeve ndërkombëtare të arritura, përfshirë edhe ratifikimin e demarkacionit me Malin e Zi.

Pas vizitës së tij, që konsiderohet shumë e rëndësishme për vendin, presidenti Hashim Thaçi sonte i është drejtuar me një mesazh qytetarëve të Republikës, duke folur për zhvillimet politike, ekonomike dhe të sigurisë.

Presidenti i ka bërë thirrje deputetëve të Kosovës që të votojnë demarkacionin.

“Përftojë nga ky rast që të dërgoj një mesazh për deputetë e Kosovës ditët kur të ratikfiohet Demarkacioni, dua ta dini se keni një përgjegjësi të madhe në supet tuaja duhet të dëshmoni dhe ju takon se Kosova që respekton të drejtën ndërkombëtare dhe nuk ka pretendimet kufitare ndaj asnjë shtetit”, ka thënë Thaci.

Thaçi ju ka bërë thirrje që mos të sakrifikojnë të ardhmen e Kosovës duke shtuar se qëllimi dhe vizioni i Kosovës është që të jemi anëtarë të NATO-së dhe Bashkimit Evropian. /ZERI/