KV “Gjilani” prezantohet në mënyrë dinjitoze në Kavajë të Shqipërisë

Gjilan – AKV “Gjilani” ka përfaqësuar Kosovën në Festivalin e -I-rë të folklorit në Kavajë – Shqipëri. Pas aktiviteteve dhe sukseseve të shumta të kohëve të fundit, me ftesë të Ministrisë së Kulturës, të Republikës së Shqipërisë, AKV “GJILANI” ishte pjesë edhe e Festivalit të këngës dhe valles shqipe i cili u mbajt për herë të parë në Kavajë të Shqipërisë.

Me një kolazh këngësh dhe vallesh të luajtura nga artistët e Ansamblit me përkushtim të madh, me valle të Karadakut të prierë nga valltari i mirënjohur Rifat Idrizi, dhe kolazh vallesh koreografike të punuara nga Qemajl Musliu dhe Arta Paspali, të orkestruara nga mjeshtri gjilanas Murat Ismajli nën shoqërimin e orkestrës profesioniste, dhe këngëtarët gjilanas: Qemajl Musliu, Nehat Ferati, Eronita Qerimi dhe Adnan Leka, dhanë gjithçka nga përvoja e tyre për të paraqitur sa më mirë vlerat e tona kombëtare dhe për ta kënaqur publikun artdashës që ishte në masë të madhe prezent.

Këto ngjarje kulturore janë shumë të domosdoshme për ruajtjen dhe kultivimin e këngës dhe valles sonë, një falënderim të veçantë për organizatorët për pritjen e jashtëzakonshme dhe që kanë arritur me shumë mund të mbahet ky festival në qytetin e Kavajës.

ANSAMBLI GJILANI po vazhdon përgatitjet në kushte jo të mira për programet e ardhshme sepse kemi disa ftesa, por do të shikojmë mundësitë financiare nëse do të kemi mbështetje nga institucionet tona thuhet në njoftimin e kryetarit të Ansamblit të Këngëve dhe Valleve “GJILANI”, Nehat Ferati./rajonipress/