KV Bresalci siguron Play Off-in

Gjilan – Pas një viti gara ne Grupin e Lindjes, KV Bresalci ka siguruar garat në Play Off, i cili konsiderohet një sukses i madh i këtij klubi me traditë që nga viti 1981 kur ishte themeluar.

Volejbollistët e Bresalcit në ndeshjen e fundit të garave kanë deklasuar skuadrën e Kaqanikut me rezultat 3-0 në seta 25-15, 25-15 dhe 25-11, duke dëshmuar se në mesin e kësaj skuadre ka volejbollist cilësor.

Siç bëjnë të ditur brenda klubit të Bresalcit, shumë shpejt do të bëhet e ditur se kur do të zhvillohen garat e Play Off-it, pasiqë FVK-së brenda një kohe shumë të shkurt do të bën edhe të ditur edhe vendin ku do të zhvillohet garat finale në mes dy skuadrave të Grupit të Perëndimit dhe të Lindjes.

Krerët e klubit të Bresalcit së bashku me volejbollistët e tyre janë shumë optimist se më në fund skuadra e tyre do të jetë pjesë e Superligës së Kosovës në volejboll.

Është mirë që dashamirët e volejbollit të këtij klubi ti dalin në ndihmë volejbollistëve të Bresalcit në këto momente, pasi që ata kanë nevojë më shumë se kurrë për ndihmën dhe përkrahjen e juaj./rajonipress/