Kuvendi përjashton shtatë deputetë të Lëvizjes Vetëvendosjes

Kuvendi i Kosovës ka suspenduar shtatë deputetë të Lëvizjes Vetëvendosje pas sjelljeve dhe veprimeve në Kuvend. Deputetët e suspenduar nga VV janë: Shqipe Pantina, Mytaher Haskuka, Visa Ymeri, Aida Dërguti, Albin Kurti Fisnik Ismajli dhe Faton Topalli.

Pas zhvillimeve të sotme në Kuvendin e Kosovës, Kryetari i Kuvendit, në mbështetje të nenit 67.7 të Kushtetutës së Republikës së Kosovës dhe të nenit 41, paragrafi 3, pika c. të Rregullorës së Kuvendit, lidhur me sjelljen dhe veprimet e disa deputetëve të opozitës, në seancën plenare me 19 shkurt 2016, të cilët penguan zhvillimin e punimeve të seancës plenare, ka marrë vendim që deputetët e Kuvendit të Republikës së Kosovës, Shqipe Pantina, Salih Salihu, Mytaher Haskuka, Visa Ymeri, Aida Dërguti, Albin Kurti, Enver Hoti, Fisnik Ismajli dhe Faton Topalli të largohen nga pjesëmarrja në seancën plenare me 19 shkurt 2016 për shkak se me sjelljet dhe veprimet e tyre e pamundësuan zhvillimin e punimeve të seancës plenare./express/