Kuvendi pa opozitën, makineri votimi

Opozita vazhdon të bojkotojë punën e Kuvendit, duke bërë kështu që puna e legjislativit të zhvillohet në monotoni. Organi më i lartë ligjvënës ka zhvilluar seancën plenare në të cilën u zgjodhën anëtarët e bordeve të pavarura të RTK-së, KPM-së, e disa bordeve tjera. Në seancën e djeshme betimin e deputetes e ka dhënë deputetja më e re Mirjeta Kalludra nga LDK-ja, e cila në postin e deputetes e ka zëvendësuar Teuta Sahatqiun, që ka shkuar në mision diplomatik në SHBA.

Por, kritika kishte për kabinetin qeveritar meqë asnjë nga ministrat nuk ishin prezentë derisa po mbahej seanca, pavarësisht se diskutoheshin pika që lidheshin me ministritë përkatëse. Për shkak të kuorumit, seanca është shtyrë për ditën e sotme.

Përplasje PDK-LDK

Megjithatë, dallimet mes partnerëve të koalicioni u shpërfaqën edhe në këtë seancë. Kur po shqyrtohej Raporti i Komisionit për Arsim, Shkencë dhe Teknologji lidhur me mbikëqyrjen e zbatimit për Arsimin Parauniversitar në Republikën e Kosovës, ka përplasur deputetët e PDK-së dhe LDK-së.

Përderisa deputetët e LDK-së insistonin që të procedohet tutje me këtë raport, në PDK vlerësonin që shqyrtimi i këtij raporti të bëhet në praninë e kryeministrit Mustafa dhe ministrit të Arsimit, Arsim Bajrami./zeri/