Kuvendi mos të shndërrohet në arenë gladiatorësh

Njohësi i zhvillimeve politike në vend, Behxhet Shala, ka bërë thirrje që Kuvendi i Kosovës mos të shndërrohet në arenë gladiatorësh.

Ai në një intervistë për “Epokën e re” ka thënë se në vend se të ketë përpjekje për përafrim të pozitës dhe opozitës, fjalori politik i tyre po rëndohet dhe kështu kriza po shkon duke u thelluar.

Shala e ka vlerësuar vendimin e Ramush Haradinajt për dorëheqje nga posti i deputetit. Sipas tij, Haradinaj me këtë veprim është përcaktuar të jetë opozitë e vërtet.

Shala ka sugjeruar se një hap të tillë ta ndjekin edhe deputetët e tjerë të cilët duan të jenë opozitë e vërtet.