Kuvendi Komunal i Vitisë aprovon me shumicë votash disa propozime të rëndësishme

Viti – Kuvendi Komunal i Vitisë ka mbajtur sot seancën e saj të dytë të rregullt me këtë rast janë prezantuar pasqyrat financiare janar – dhjetor 2014 si dhe pas diskutimeve dhe dhënies së propozimeve nga anëtarët e këtij Kuvendi janë votuar me shumicë votash propozim Rregullorja për ndarjen e bursave për student të Komunës së Vitisë, Propozim vendimi për caktimin e lokacionit për vendosjen e tregut të gjelbër në Pozheran, propozim vendimi për dislokimin e tregut të gjelbër në Pozheran ku pritet të ndërtohet parku i këtij fshati, Propozim vendimi për bashkëfinancimin e projektit ; Rregullimi i trotuareve dhe Propozim vendimi për bartjen e mjeteve nga të hyrat vetanake nga viti 2014 për vitin 2015.

Në fillim të këtij takimi Kryesuesi i Kuvendit Komunal, Naim Pira ndër tjerash i njoftoj këshilltarët e këtij Kuvendi se vitin e kaluar janë formuar dy komitete konsultative të cilat i kanë prezantuar planin e punës për këtë vit dhe punën që e kanë bërë gjatë vitit të shkuar.

Në fillim të kësaj mbledhje këshilltarëve ju janë ndarë formularët për deklarimin e pasurisë të cilat pas plotësimit nga ana e tyre duhet të dorëzohen në Agjencinë Kosovare kundër Korrupsionit.

Me theks të veçantë gjatë kësaj mbledhje është diskutuar për Pasqyrat Financiare për periudhën Janar-Dhjetor 2014 ku disa nga këshilltarët komunal thanë se është bërë një menaxhim i mirë i parasë publike dhe projekteve kapitale në këtë komunë, megjithatë disa të tjerë patën vërejtje në këtë drejtim.

Ndërkaq poashtu sot këshilltarët kanë biseduar hollësisht edhe për propozim rregulloren për ndarjen e bursave për studentët e kësaj komune, ku paraqitën disa propozimet e tyre si p.sh që fëmijët e dëshmorëve dhe nxënësit të cilat kanë qenë të vlerësuar me nota 5-she të vlerësohen edhe me 10 pikë, por edhe të hiqet kriteri i cili përcakton se përfituesi i bursës duhet të jetë se paku 10 vjet banorë i komunës së Vitisë.

Gjatë këtij takimi janë votuar edhe me shumicë votash Propozim vendimi për caktimin e lokacionit për vendosjen e tregut të gjelbër në Pozheran, Propozim vendimi për dislokimin e tregut të gjelbër në Pozheran, Propozim vendimi për bashkëfinancimin e projektit ; Rregullimi i trotuareve dhe Propozim vendimi për bartjen e mjeteve nga të hyrat vetanake nga viti 2014 për vitin 2015. /rajonipress/