Kuvendi Komunal i Gjilanit të enjtën vjen me vendim për dy “ikonat”, Selami Osmani e Shukri Sylejmani

Gjilan – Dy legjendat e papërsëritshme të futbollit të qytetit të Gjilanit, Selami Osmani-BEZI e Shukri Sylejmani, futbollin e qytetit të Gjilanit e kanë ngritur në nivelet më të lartë të futbollit Kosovar. Për kontributin e dhënë me vite të tëra, Kuvendi i Komunës së Gjilanit nesër ka rastin që me votat e tyre këta dy “vigan” të futbollit t`i nderoj me mirënjohjen më të lart “Qytetar Nderi”, duke i respektuar për kontributin e dhënë në fushën e sportit por edhe për kontributin e dhënë në shumë sfera tjera për qytetarët e Gjilanit.

Qyteti i Gjilanit ka nderin e veçantë që ka pasur mundësi ti ketë këto dy legjenda të papërsëritshme në gjirin e saj.

Ish kryetari, tani i ndjeri Selami Osmani “Bezi”, tifozët e Dritës “Intelektualët” e kujtojnë me admirim të madh për punën dhe veprën që ka lën pas tek KF Drita.

Osmani me të madhe ka ndihmuar njerëzit skamnor, dyert e tij ishin gjithmonë të hapura për popullin shqiptar.

Ndërsa, Shukri Sylejmani arriti ta formon KF Gjilanin 1995, duke i bërë me dije pushtetit serb se ka njerëz që mendojnë dhe kontribuojnë jo vetëm për futbollin por edhe për qytetarët e Gjilanit e më gjerë, sot tifozët “Skiftera”, janë krenar dhe gjithmonë i janë mirënjohës për sakrificën e dhënë për KF Gjilanin.

Selami Osmani e Shukri Sylejmani, në jetën e përditshme ishin shokë ku ndanin të mirën e të keqën së bashku, ndërsa në lojën e futbollit “armiq” të përbetuar por gjithmonë në suaza të “Fair-Play”, kjo edhe i bënte të veçantë ikonat e Gjilanit e Dritës. /sylejman ismajli/rajonipress/