Kuvendi “i unitetit” e gjen sërish të përçarë LDK-në
RajoniPress
07:38, 28 Maj, 2015
Donika Gërvalla dhe Shefqet Dibrani do të marrin pjesë në Kuvendin zgjedhor të LDK-së, të dielën, së bashku me delegatët e tyre, shkruan sot Koha Ditore.Pavarësisht se partia i ka përjashtuar nga Kuvendi i ashtuquajtur “i unitetit” me arsyetimin se zgjedhjet në degët e tyre në Gjermani dhe Zvicër kanë pasur parregullsi.
Gërvalla tha se Mustafa po përgatit terrenin që të votohet me aklamacion, derisa ka paralajmëruar reagime të grupit të pakënaqur të LDK-së dhe se “nuk do të lejojnë vdekjen e LDK-së”.
E Fatmir Sejdiu iu bëri thirrje për bashkim kundër Mustafës të gjithë “rugovistëve”.
Lidhur me përjashtimet e degëve në Gjermani dhe Zvicër ka reaguar edhe anëtari i Këshillit të Përgjithshëm të LDK-së, Hafiz Gagica, i cili tha se Isa Mustafa qëllimshëm po eliminon çdo kundërshtar të mundshëm të tij.
Në përgjigjen e tij drejtuar gazetës, sekretari i LDK-së, Ismet Beqiri, ka thënë se vendimet e Kryesisë nuk komentohen, por vetëm zbatohen.
http://koha.net/?id=27&l=59386
