Kuvendarët votuan për faljen e borxheve për taksa komunale

Kamenicë – Kuvendarët pas shumë diskutimeve votuan për faljen e borxheve për taksa komunale deri në vitin 2008.

Në diskutimet e tyre këshilltarët nga radhët e gjitha partive ishin të interesuar të dinin nga Drejtoria e Buxhetit që me faljen e borxheve të mos dëmtohet buxheti në realizimin e projekteve e parashikuara kapitale dhe deri në cilit vit të vlej falja dhe pas pushimit 5 minutës konsultimeve ndërpartiake u vendos që të falja e borxheve të vlejë deri në vitin 2008 në bazë të vendimit të Qeverisë së Republikës Kosovës.

Seanca e sotme ishte e pesta me radhë e Kuvendit Komunal për këtë vit e cila u mbajt në Shtëpinë e Kulturës “Isa Kastrati” në Kamenicë.

Seancën e udhëhoqi Kryesuesi z.Bajram Dërmaku, si zakonisht në seanca merr pjesë kryetari i Komunës z.Begzad Sinani dhe drejtorët e drejtorive komunale, përgjegjës të zyrave përkatëse, shoqëria civile, ekipi komunal i OSBE-së.

Pikave të parapara iu shtuan edhe tri pika reja të cila rendit të punës, të cilat dy ishin të propozuara nga: Drejtori e Urbanizmit: Propozim –vendim për plotësimin e vendimit Sh.01/Nr. 12629 të dt: 03.05. 2016 për hartimin e planit zhvillimor komunal 2016-2024, Propozim vendimin për plotësimin e vendimit Sh.01 /Nr. 3143 dt:02 02.2016 për hartimin e hartave zonale komunale. Me këto plotësime krijohen mundësit procedurale për realizimin e investimeve nga ana investitorëve të interesuar e që gjerë tani kishte pasur pengesa në ketë drejtim.

Ndërsa grupi i grave propozoi që projekti për financimin e shkollimit joformal të grave të vazhdohet edhe këtë vit.

Këshilltarët votuan poashtu edhe kërkesën për rishikimin e buxhetit që mjetet e tepricë të jepen Drejtorisë së Arsimit.

U shqyrtua raporti tre mujor i drejtorisë së Buxhetit dhe Financave kishte nxitur debate lidhur me shpenzimet komunale e në veçanti në karburante, këshilltarët komunal kishin mendime të ndryshme pro dhe kundër se a janë zvogëluar apo janë rritur shpenzimet krahasuar me periudhën paraprake.

Drejtoresha e Buxhetit Shejnaze Masurica dhe kryetari i Komunës z.Begzad Sinani dhanë përgjigjet që u arsyetuan shpenzimet se ato janë shtuar sepse komuna ka filluar me heqjen e shpenzimeve për bartjen e nxënësve, harxhimet e shtëpisë së komunitetit. ”Në debatin publik me qytetarë do t’i keni të gjitha shënimet ata që vijnë pas meje të marrin shembull nga puna ime të nxjerrin gjërat e mira, kritikat tuaja na shërbejnë për përmirësime dhe korrigjime “tha Sinani.

Komuna ka filluar me regjistrimin e pronave të paluajtshme-objekteve të Kuvendit Komunal Kamenicë, kuvendarët e shqyrtuan propozim vendimin ata u habiten që pas 16 viteve të gjitha pronat komunale nuk janë të regjistruara ka shumë prona që nuk janë të regjistruara tha drejtori Drejtorisë së Kadastrit Fadil Hoti ai e përmendi edhe Shtëpinë e kulturës “Isa Kastrati” që është e pa regjistruar.

Për rregulloren për mbrojtjen e të miturve nga dukuritë që e dëmtojnë shëndetin dhe zhvillimin e tyre u aprovua pa debatime.

Në pyetjet drejtuar ekzekutivit në të cilat u përgjigj kryetari Sinani shumica e pyetjeve kishin të bënin me projektet të infrastrukturës që janë realizuar apo për ato që nuk janë ende të përfunduara./rajonipress/