Kuvendarët gjilanas vazhdojnë me pasivitet

Gjilan – Nga 41 këshilltarë sa i ka asambleja e Gjilanit 12 prej tyre e kanë marrë epitetin e atyre kuvendarëve që se çelin gojën derisa ata janë, Enver Hajrullahu (PDK), Elez Muji (PDK), Arzie Nuhiu (PDK), Xhyzide Ismajli (PDK), Shpresa Jahiri (PDK), Jehona Hyseni (LDK), Shpresa Hajdari (LDK), Drita Ismajli (AAK), Tefik Ibrahimi (AKR), Mimoza Shkodra – Bislimi(AKR), Shpresa Kurteshi (LDK), dhe Tefik Maksuti (PSD).

Isa Shefkiu nga OJQ Forumi Qytetar Demokratik Anamorava (FQDA) ka monitoruar punën e asamblesë komunale si dhe ka dhënë edhe rezultatet nga monitorimi për periudhën korrik-dhjetor 2012.

Kjo OJQ është marrë edhe me angazhimin e kuvendarëve në seancat e Kuvendit Komunal të Gjilanit. Sipas këtij raporti del se grupi i kuvendarëve të cilët në periudhën korrik-dhjetor 2012 kanë qenë pasiv, përkatësisht nuk kanë pas asnjë paraqitje në kuvend.

Nga 41 këshilltarë sa i ka asambleja e Gjilanit 12 sosh e kanë marrë epitetin e atyre kuvendarëve që se çelin gojën e ata janë, Enver Hajrullahu (PDK), Elez Muji (PDK), Arzie Nuhiu (PDK), Xhyzide Ismajli (PDK), Shpresa Jahiri (PDK), Jehona Hyseni (LDK), Shpresa Hajdari (LDK), Drita Ismajli (AAK), Tefik Ibrahimi (AKR), Mimoza Shkodra – Bislimi(AKR), Shpresa Kurteshi (LDK), dhe Tefik Maksuti (PSD).

Isa Shefkiu nga FQDA ka thënë se në rastin e hartimit të renditjes të angazhimit të kuvendarëve në seancat e Kuvendit të Komunës, si kriter në konsideratë janë marrë: diskutimet në seanca, parashtrimi i pyetjeve dhe kërkesave kuvendare, paraqitjet në seancat e kuvendit para kalimit në rendin e ditës dhe inicimi i çështjeve të caktuara.

Përndryshe, në renditjen e përgjithshme e kuvendarëve sipas angazhimit të tyre në seancat e Kuvendit të Komunës më aktivi ka qenë Arben Mehmet i LDK-së për t’u pasuar nga Sokol Haziri i AAK-së dhe Arben Maliqi i AKR-së.

Në raportin e OJQ Anamorava si kuvendarë më aktiv janë shënuar Arben Mehmeti – LDK, Sokol Haziri – AAK, Arben Maliqi – AKR, Sadudin Berisha – LDK, Elisah Ymeri – PDK, Florina Zymberi PDK, Zijadin Maliqi LDK, Tahir Arifi – PDK, Bahrie Veseli – LDK dhe Ejup Haziri PDK./rajonipress/