Kushtrim Ibrahimi merr përkrahje në lagjen e 8-të, hapë zyre të LVV dhe komunikon me qytetarë

Gjilan – Kushtrim Ibrahimi është kandidat i LVV ndërsa ka filluar angazhimin e tij maksimal në takimin me lagjen e 8-të ku edhe jeton. Kushtrim Ibrahimi ka marrë mbështetje nga kjo lagje derisa ai ka premtuar se do të jetë në shërbim të kërkesave reale të tyre.

“Aktivitetet tona për mobilizim vazhduan në Lagjen e 8-të, ku na priti drejtori i Shërbimeve Publike, z. Kushtrim Ibrahimi. Me qytetarët e kësaj lagjeje bashkëbiseduam për sfidat dhe mundësitë që na presin, duke theksuar rëndësinë e pjesëmarrjes aktive në zgjedhjet e 12 tetorit” k a shkruar Alban Hyseni derisa ka marrë pjesë në një takim me banor të lagjes së 8-të të qytetit.

Nikoqiri i këtij tubimi Kushtrim Ibrahimi, aktualisht drejtor i shërbimeve publike dhe kandidat për këshilltar komunal, ka thënë se lagja e tetë do të trajtohet me prioritet, në të ardhme dhe se kërkesat reale të tyre do të aprovohen e shtyhen përpara.

Ibrahimi është ndarë i kënaqur nga ky tubim, ndërsa edhe ka hapur zyre të LVV për të rritur komunikimin me qytetarët dhe për të parë nevojat dhe kërkesat e tyre./rajonipress/