Kushtrim Ibrahimi falënderon votuesit

Gjilan – Gjatë gjithë fushatës, patëm dhjetëra e qindra takime, tubime dhe vizita derë më derë, ku pata kënaqësinë të takoja e të bisedoja me shumë qytetarë të komunës sonë. Ato takime më dhanë motiv e energji të re, sepse dëgjova nga afër shqetësimet, idetë dhe kërkesat tuaja. Këto do të jenë udhërrëfyesi ynë në mandatin e ardhshëm katërvjeçar, për të punuar me përkushtim e ndershmëri në zgjidhjen e problemeve të qytetarëve tanë ka shkruar Kushtrim Ibrahimi.

Postimi i plotë:

Falënderim
Të nderuar qytetarë të Komunës së Gjilanit,
Shpreh mirënjohjen time më të thellë e më të sinqertë për besimin që na dhatë në këto zgjedhje ndaj Lëvizjes VETËVENDOSJE!, ndaj kryetarit Alban Hyseni, si dhe ndaj meje personalisht, si asambleist në Kuvendin Komunal të Gjilanit.

Gjatë gjithë fushatës, patëm dhjetëra e qindra takime, tubime dhe vizita derë më derë, ku pata kënaqësinë të takoja e të bisedoja me shumë qytetarë të komunës sonë. Ato takime më dhanë motiv e energji të re, sepse dëgjova nga afër shqetësimet, idetë dhe kërkesat tuaja. Këto do të jenë udhërrëfyesi ynë në mandatin e ardhshëm katërvjeçar, për të punuar me përkushtim e ndershmëri në zgjidhjen e problemeve të qytetarëve tanë.

Ky rrugëtim nuk do të ishte i mundur pa mbështetjen e familjes sime, shoqërisë, kolegëve, aktivistëve të lëvizjes dhe secilit prej jush që kontribuuat e na përkrahët në çdo hap të fushatës. Faleminderit për përkushtimin, besimin dhe energjinë pozitive që na dhatë!

Së bashku do të vazhdojmë të punojmë me përkushtim, përgjegjësi dhe transparencë, që Gjilani të ecë përpara, me projekte konkrete, zhvillim e dinjitet për secilin qytetar.

Faleminderit nga zemra për mbështetjen tuaj!