Kushtëzim i padrejtë nga minoritetet

Themelimi i Forcave të Armatosura të Kosovës, (FAK) mund të mos bëhet gjatë mandatit të kësaj legjislature. Kjo për faktin se përfaqësues të minoriteteve, votimin e tyre në Kuvendin e Kosovës do ta kushtëzojnë me vendet e rezervuara e madje edhe me pjesëmarrje në zgjedhjet e ardhshme parlamentare.

Sipas tyre, çdo mundësi e hapjes së Kushtetutës do të përcillet me insistimin që të futen edhe vendet e rezervuara. Megjithatë, ky kushtëzim nga eksperti kushtetues nga radhët e PDK-së, Arsim Bajrami, vlerësohet krejtësisht politik, jo ligjor dhe jo kushtetues. Bajrami ka thënë se votimi për ndryshime kushtetuese sa i përket FAK-së, aspak nuk ka të bëjë me të drejtat e komuniteteve.

“FAK nuk hyn në të drejtat e pakicave, nëse ata tentojnë t’i bllokojnë kjo është keqpërdorim i të drejtave që u ka dhënë Kushtetuta, sepse me këtë nuk zvogëlohen të drejtat e tyre dhe nëse ata tentojnë ta shantazhojnë kryeministrin me këtë çështje”, ka thënë Bajrami…(zëri)