Kushtetuesja mund t’i shtyjë zgjedhjet!

Kosovarët mund të mos votojnë me datën 3 nëntor për t’i zgjedhur udhëheqësit e ardhshëm të komunave të tyre. Deri te kjo situatë mund të vijë nëse Gjykata Kushtetuese merr për shqyrtim një lëndë të re që Vetëvendosje është duke e bërë gati.

Bëhet fjalë për vendimin e fundit të Komisionit Qendror të Zgjedhjeve, rreth heqjes së simboleve të shtetit nga fletëvotimet e zgjedhjeve lokale. Ky subjekt politik është duke i shikuar mundësitë të cilat ia lejojnë atyre që lënda të jetë e pranueshme për gjykatën. Nëse kjo ndodh, atëherë Kushtetuesja ka afat maksimal deri në 60 ditë për të shqyrtuar këtë rast.

Ky vendim eventual do të impononte shtyrjen e zgjedhjeve lokale kur kanë mbetur saktësisht edhe 60 ditë nga data e organizimit të tyre. Në bazë të rregullave kushtetuese, nëse gjykata pranon për shqyrtim një rast, atëherë deri në një vendim të saj të gjitha proceset duhet të pezullohen, që në këtë rast fletëvotimet nuk mund të shtypen pa një vlerësim të gjykatës… (Tribuna).