Kushtetuesja mund të mos e zgjidhë ngërçin politik

Përmbajtja e opinionit të Gjykatës Kushtetuese pas seancës dëgjimore të 21 gushtit në lidhje me procedurat për zgjedhjen e kryetarit të Kuvendit mund jetë vendimtar nëse vendi do të shkojë drejt formimit të institucioneve apo kah zgjedhjet e reja të parakohshme.

Pas dëgjimit të palëve, përkatësisht Partisë Demokratike të Kosovës në njërën anë dhe bllokut LDK, AAK dhe Nisma në anën tjetër, paneli i gjyqtarëve do të mblidhet për komentet përfundimtare dhe më pas do të marrë vendimin me anë të votimit të fshehtë.

Mirëpo, tek partitë e përfshira në këtë proces nuk është përjashtuar asnjëherë fakti që Kushtetuesja mund edhe të mos e zgjidhë përfundimisht çështjen e zgjedhjes së kryetarit të Kuvendit. Sidomos situata do të komplikohej nëse vendimi i Kushtetueses e rikthen seancën konstituive në pikën e 3, menjëherë pas dhënies së betimit të deputetëve.

Çështja më kontestuese mbetet nëse Kushtetuesja mund apo nuk mund të japë opinionin rreth problemit kryesor se kush mund të propozojë i pari kandidatin për kryetar, vetëm partia fituese e zgjedhjeve apo ka edhe një rast të dytë për opozitën, sikurse në rastin e kryeministrit dhe qeverisë…(Tribuna).