Kusht për punë – të bëhesh spiun

N’ fund të viteve të tetëdhjeta – Kurrë kiametet s’ mu ndanë nga jeta ! Prej mundimit e n’ mundim – Kund për mua s’u gjet punësim !

Shkollë me shkollë , unë konkurrova –
Por , askund s’ mund u punësova ?!
Çdo ditë , jeta bëhej ma e rëndë –
Pesë fëmijë donin bukë me ngrënë !

Pesë fëmijë shkonin n’ shkollë fillore –
Donin libra e fletore !
Pesë fëmijë donin veshje e mbathje –
Duhej futur n’ borxh pa dashje !…

M’ thoshin ca drejtorë :”Ty për arsimtar ,
Pa thanë Kryeudbashi – nuk guxojmë me t’ marrë !
Shko një ditë në zyre , me te bisedo –
Ndoshta ka mëshirë dhe n’ punë të lejo !”

Dhe një ditë , unë shkova te ai Kryeudbash –
Që kishte ngritë kryet mu sikurse dash !
Unë , u detyrova t’ shkoj t’i kërkoj punë –
Ai , mua m’ kërkonte t’i bëhem spiun !

“N’ daç me ta dhanë vizën , t’ punosh profesor –
Ti , je i dobishëm sa katër inspektor !
Roli i parë : Prej teje , profesorët nuk drojnë –
Ti , na kallëzo neve , çka po planifikojnë ?!

Roli i dytë : Prej teje , nxënësit nuk frikësojnë –
Ti , na kallëzo neve , çka planifikojnë ?!
Roli i tretë : N’ hotele , ti këngë po këndon –
Prej teje nuk ruhen , se ti po i vëzhgon ?!

Roli i katërt : N’ dasma , ti kahmos këndon –
Askush nuk të ruhet , se çka bisedon !
Për të gjitha rolet , ne na raporton –
Përgjimet e tona , ti na i përforcon !”…

Shoku Kryeudbash , fort qenke mashtrua –
Për aftësitë e mia , fort paske gabua !
Unë , asgjë nuk di për këtë dynja –
Pos , një violine nga pak di me i ra !

Kryeudbashi u revoltua dhe u ngritë në këmbë :
“Uh, ty mos e lënesha pa ta q… atë nënë !
Ti , me qeto mend, der’ sa t’ jam gjallë unë –
Kurrë për jetë të jetës , nuk ke me gjet punë !”

Gjilan, më 09.11.2016. Demir Krasniqi