Kush e ka frymëzuar Dafinën për stilin e saj?

Dafina Zeqiri është një nga artistet me stilin më të veçantë në industrinë muzikore shqiptare. Ajo i ka qëndruar besnike stilit të saj që nga fillimi i karrierës dhe ende sot dallon nga shumë të tjerë. Mirëpo sot ajo ka treguar se gjithmonë ka pasur një artiste shumë të njohur si burim frymëzimi dhe që ka qenë idhulli i saj që në fëmijëri.

Këngëtarja ka publikuar në Instagram disa foto të artistes Aaliayh Dana Haughton, që nëse do të ishte gjallë sot do të festonte 42-vjetorin e lindjes.

“Gëzuar ditëlindjen engjëll! Të dua përgjithmonë”, ka shkruar këngëtarja.

Ajo ka treguar se që fëmijë i mbante balluket anash dhe vishte rroba të gjera për të ngjasuar sa më shumë me idhullin e saj.

“Personi i vetëm që kam pasur idhull (përveç nënës sime) vërtet brenda dhe jashtë… njerëzit që më njohin mua si fëmijë e dinë se unë i mbaja gjithmonë balluket anash dhe ende sot e kësaj dite mbaj rroba të gjera. Një artiste e vërtetë me një personalitet shumë të mirë!”, ka shkruar Dafina përkrah një fotografie.

Aaliyah është cilësuar si “Princesha e muzikës R&B” dhe “Mbretëresha e Pop-it Urban” dhe kjo duhet të ketë ndikuar edhe në rrymën muzikore që Dafina ka ndjekur që nga hapa e saj të parë në muzikë.

Shpërndaje.
© RAJONIPRESS