Kusari-Lila: Nuk kam folur me Radojiçiqin përpos kur Simiqi e lëshoi në interfon
RajoniPress
06:49, 13 Korrik, 2023
Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se nuk ka folur pesë herë me Milan Radojiçiqin.
Ajo në DPT te Fidani të T7, ka thënë se le të publikohen ato përgjime, duke mohuar kategorikisht që ka folur.
”Nuk është e vërtetë, le t’i qet 4-5 herë, vetëm një është”, tha ajo.
Për këtë herë, ajo tha se deputeti Simiq i Listës Serbe e lëshoi interfonin ku ka folur Radojçiqi.
E pyetur se pse hesht kur Simiqi i tha se “ka folur pesë herë me Radojçiqin”, Kusari-Lila, tha se nuk e di nëse kjo është çështje e edituar, apo monotoni nga biseda që ka pasur me Simiqin.
Ajo deklaroi se në përgjime dëgjohet edhe nxjerrja nga zyra e Simiqit. /Gazeta Express/
