Kurti: Ushtria prioritet

I nominuari për kryeministër nga Lëvizja Vetëvendosje, Albin Kurti ka ripërsëritur se themelimi i Forcave të Armatosura të Kosovës është një ndër prioritetet e tyre.

Vetëvendosje të enjten kanë prezantuar “40 prioritetet e Republikës”, ku bën pjesë edhe ushtria, transmeton Klan Kosova.

“Populli i Kosovës duhet ta aktualizojë të drejtën e vet për mbrojtje, njësoj si popujt e tjerë”, ka shkruar Kurti në Facebook.

“Forcat e Armatosura të Kosovës do të jenë institucioni që do të na garantojë sigurinë, por edhe partneritetin me aleatët tanë, Shqipërinë, ShBA, e integrimin në NATO”, ka shtuar ai.