Kurti u kërkon raport ministrave, thotë se do t’i mbyllë një ditë në qeveri

Kryeministri Albin Kurti iu ka bërë me dije ministrave të qeverisë se do të ju kërkojë të përcjellin në ditët në vazhdim një shkresë për gjendjen në të gjitha dikasteret, raporton Gazeta Express.

“Së shpejti do të jua dërgoj një shkresë të gjithë ministrave që ta bëjnë një evidentim të gjendjes në ministri sa i përket proceseve projekteve dhe sfidave do të bëhet një skanim i gjendjeve”, ka thënë Kurti.

Ai ka deklaruar se do të mbajnë një mbledhje të gjatë për të diskutuar për programin qeverisës.

“Së shpejti do të ju njoftojmë lidhur me një mbledhje më të gjatë një ditore për ta thelluar dhe avancuar programin me një program të qeverisë së re me pjesëmarrjen e të gjithë ministrave të këtij kabineti pra ekipi jonë prej 18 veta”, tha Kurti./Express/