Kryeministri në largim i Kosovës, Albin Kurti, përmes një videoje në “Facebook”, ka thënë se qeveria e tij në 4 muaj qeverisje, ka dëshmuar, se mund të qeveriset mirë edhe pa marrëveshje me listën serbe.
Kurti thotë se qeveria e tij ka dëshmuar se mund të ndalet gjakderdhja financiare, duke thënë kështu se në zgjedhjet e 6 tetorit është dëshmuar se VV-ja është partia e parë dhe më e madhe.
“Sot janë bërë 4 muaj që jam në këtë qeveri, kurse nesër nuk do të jem në këtë zyrë. 4 muaj qeverisje e mirë dhe 39 mbledhje të mira të qeverisë. Dua të ju falënderoj juve për mbështetjen. Që nga zgjedhjet e 6 tetorit kemi dëshmuar se jemi partia e parë më e madhe, kemi dëshmuar se është e mundur të qeverisës pa marrëveshje me listën serbe”.
“Kemi dëshmuar se mund të ndalet gjakderdhja financiare me asfaltin e shtrenjtë në toka bujqësore, kemi dëshmua se mund të menaxhohet pandemia e Koronavirusit, pa shpallur gjendje të jashtëzakonshme, pa panik dhe me sukses shembullor për rajonin e gjerë”.
“Kemi dëshmuar se mund ti vendosim reciporcitetin Serbisë dhe të ndihmojë Preshevën, Medvegjën dhe Bujanocin. Kemi dëshmuar se edhe në pandemi, mbijetojmë e zhvillohemi me pakon fiskale emergjente dhe me pakon e rimëkëmbjes ekonomike”.
“Kemi dëshmuar se bordet e drejtorëve të korruptuar dhe kryeshefët mujsharë shkarkohen edhe kur janë familjarë të presidentit”./Express/
